Бүгін орталық "Иман" мешітінде облыс имамы Алмас Сағидоллаұлы Алакөл ауданының тумасы, белгілі кәсіпкер, дін жанашыры Ержан Кәрімұлымен кездесіп, арнайы мемлекет басшысының бұйрығымен "Халық алғысы" төсбелгісін тапсырды. Ержан ағамыз елімізде пандемиялық ахуал өршіген уақыттан бастап, өз қаражатына демалуға арналған аппараттар алып, облысымыздың ауруханаларына үлестірді. Мешіт ұйымдастырып отыратын түрлі қайырымдылық шараларының тұрақты белсендісі. Халық үшін жасап жатқан жақсылығын ескеріп, облыс имамы халық атынан алғыс айтып, батасын беріп, иығына шапан жапты.