Алматы облысы Кербұлақ ауданына жұмыс сапары аясында Талдықорған өңірінің бас имамы Ардақ Нүсіпханұлы аталған ауданның әкімі Ғалиасқар Сарыбаевпен кездесті.

Кездесу барысында аудандағы діни ахуал, мешіттердің әлеуметтік-экономикалық ахуалы, құлшылық үйлерінің діни мамандармен қамтылу жайы талқыланды. Аудан әкімі бірлесе жұмыс істеп, өңірдің діни әлеуетін көтеруде ықпалдастық танытатынын жеткізді.

Әрі қарай бас имам жоспар бойынша ауданның зиялы қауым өкілдері мен мектеп директорларымен кездесті. Шара барысында «Отбасы қоғам тірегі»,  «Дін. Қоғам. Зекет» тақырыптарында насихат айтты. Кездесудің соңында сұрақ-жауап алмасып, тағылымды ойлар айтылды.