Самарқанның көк тасы еритін көктемнің шуақты күндері келісімен ҚМДБ-ның Талдықорған өңірі бойынша «Зекет қоры» өкілдігі зекетті насихаттау жұмыс сапарымен Алакөл ауданына жол тартқан еді. Іссапар барысында Үшарал қаласындағы үш мешітте уағыз-насихат айтылып, кеше қасиетті жұмада ҚМДБ "Зекет" қорының "Ел үлесі пәтерге" жобасының аясында Талдықорған өңіріне қарасты Алакөл аудандық  орталық мешітінде Қабанбай ауылының тұрғыны, он жеті жыл бойы бөтеннің босағасын жалдап күн кешіп келген жалғызілікті ана Сәбира Тоққожақызына Талдықорған өңірі бойынша «Зекет қорының» өкілі Серік Құсайынұлы баспана кілтін табыстады! Үздіксіз жалғасып келе жатқан «Ел үлесі пәтерге» жобасы бойынша бұл -  Талдықорған өңірінде берілген 52-ші баспана болса, Республика бойынша 190-шы баспана болып отыр! 

 

Осынау жақсы үрдіс қалыптастырған жақсы жобаның жалғаса беруіне үлес қосар өздеріңіздей жомарт жүректі жандар қатары арта берсін, ағайын! 

{gallery}zeket5{/gallery}