"ЕЛ ҮЛЕСІ ПӘТЕРГЕ" қайырымдылық шарасы бойынша Алакөл ауданының бас имамы Әнет Омарханұлының ұйымдастыруымен, мешітке келуші жамағат және басқа да қайырымды жандардың үлес қосуымен Қабанбай ауылынан алты баласы бар жалғыз басты ана, Светлана Мұхаметқызына үш бөлмелі үй сатып алып берді. Сондай-ақ, балаларына жаңа киім-кешек пен велосипед те ала барды.
Жиналған қаражатты бас имам өз қолымен тапсырды. Ауыл әкімі Қабдолдаев Қайрат үйдің құжаттарын рәсімдеуге көмектесуге уәде берді.
Алты баланың анасы өз кезегінде көмек қолын созған барлық қайырымды жандарға шексіз алғысын білдіріп, жанұяларына бақыт тіледі.
"Жұмыла көтерген жүк жеңіл" демекші көпшілікпен жұмыла бір отбасының баспаналы болып, қуанышқа кенелуіне себепкер бола білдік.
Аллаға шүкір қайырымды жандар жетерлік. Осы ізгі бастамамыз жалғасын тарса нұр үстіне нұр болар еді...

Алакөл аудандық орталық мешітінің баспасөз қызметі.

{gallery}alakol9{/gallery}