{gallery}253{/gallery} Біз мұсылман жұртшылығы ата-бабамыздың дұға-тілектерінен нәр алып, өсіп-өніп келе жатқан ұрпақпыз. Дана халқымыз «Жаңбырмен жер көгереді, батамен ер көгереді», - дейді. Бата - жүректің түбінен жарып шықтан нұрлы тілек. Дана халқымыз «баталы құл арымас, батасыз құл жарымас», «баталы құлға бақ қонар» деп барлық жақсылық атаулының түп-тамырын батамен ұштастырып келген. Көпшілік отырған жерлерде батаны көпті көрген, аузы дуалы қариялар береді. 

Осы орайда Талдықорған өңірі, Ақсу ауданында аудан әкімшілігі және аудандық мешіттің ұйымдастыруымен қариялар арасында «Батаменен ел көгереді, жаңбырменен жер көгереді» атты аудандық «Батагөйлер» байқауы өтті. Шараның мақсаты: ұлтымыздың дәстүрлі өнерін насихаттау, ақсақалдардың орамын тауып айтқан бата тілектерін насихаттай отырып, жас ұрпаққа үлгі ету. Аудан имамы А.Тасболатұлы елдің берекесі болған қарияларға ізгі тілегін жеткізді. Шара соңында жеңімпаздар арнайы бағалы сыйлықтармен марапатталды.

Ақсу аудандық орталық мешітінің баспасөз қызметі.