ҚМДБ-ның Талдықорған өңірі бойынша өкілдігі, орталық «Иман» мешітінің ұжымы қасиетті Құрбан айтты асыға күткендер қатарынан.Себебі, бұл күндер жақсылыққа толы, жанашырлықтың шегі жоқ, асыл да ардақтты күндерден. Мұқтаждарға көмектесіп, рухани думанға ұласып, құрбандыққа шалынған малды қайырымдылыққа үлестіретін кун. Осындай әдеттегі үрдісті жалғастыру мақсатында ҚМДБ-ның Талдықорған өңірі бойынша өкілі, орталық «Иман» мешітінің Бас имамы Ардақ Нүсіпханұлы қызу жұмыстың басында болып, арнайы шақырылған және өздері жиналған дүйім жұртқа ет үлестірді. Жалпы алғанда орталық мешіттің өзінде 120-ден аса қой сойылып, 400-ден аса отбасына берілді. Бұл тек өңірдің орталық мешітінде, ал басқа мешіттерде де осындай қайырымдылық жасалғаны сөзсіз.