{gallery}2152{/gallery}Қазақстан Мұсылмандары Діни басқармасының Талдықорған өңірі бойынша өкілі, «Иман» орталық мешітінің Бас имамы Ардақ Нүсіпханұлының төрағалық етуімен өңірге қарасты мешіт имамдарына арналған кезекті алқалы жиыны өтті.
Жиналыс барысында мұсылман қауымы ұлықтаған қасиетті Құрбан айт мерекесіне дайындық талқыланды. Арнайы дайындалған құрбандық шалынатын орындар, қасапшылар қызметінің жоғары дәрежеде атқарылуы, діни мерекелік іс-шаралардың барлық мешіттерде өткізілуі пысықталды. Сонымен қатар алқалы жиынға арнайы келген Қазақстан Мұсылмандары Діни басқармасының іс басқарушысы Орын Ербосын Бектұрсынұлы діни қажетті құжаттарды рәсімдеу бағыты, құқықтық тұрғыда бірқатар ескеретін мәселелерге ақыл-кеңестер берді. Күн тәртібінде тұрған барлық жұмыстар қаралып, өкіл имам өңірге қарасты қала, аудан имамдарына алда іске асатын шараларға байланысты нақты тапсырмалар берді.