{gallery}aksu2{/gallery}

Жуырда Ақсу ауданыда орналасқан «Арасан шекара заставасында» Суықсай ауылдық мешітінің молдасы Қабай Қалибектің қатысумен «Діни экстремизмге жол жоқ» тақырыбында кездесу өтті. Келелі кездесуде ауыл молдасы экстремизм- терроризмнің алдын алу жөнінде Пайғамбарымыз Мұхаммедтің (с.ғ.с.) хадистері мен осы қазіргі жағдайлардан мысалдар келтіре отырып, Әбу Ханифа мазхабын ұстанып, ұлттық құндылықтарды сақтау, туысқандық, бауырмалдыққа баулитын қағидаттарды бойларына сіңіру, ел қауіпсіздігіне нұқсан келетін, қауіп төндіретін жағдайлардан аулақ болу туралы көптеген құнды пікірлер айтылды.. Діни экстремизмнің алдын алудың маңыздылығына Ислам дінінде терроризм мен экстремизмге мүлдем жол жоқ екендігі қасиетті Құран аяттары мен хадистермен қуатталатындығы айтылып, азаматтарымыз теріс ағымдардан аулақ болу үшін олардың діни сауаттарын көтеру бағытында жұмыстар қарқынды жүру керектігі сөз болды. Бұл шараға қатысқандардың ортақ пікірі де осындай болды.

Ақсу аудандық орталық мешітінің баспасөз қызметі