{gallery}878879{/gallery} Қазақстан мұсылмандары діни басқармасының төрағасы Бас муфти хазретіміз Серікбай қажы Ораз биылғы жылды «Ислам және отбасы» деп жариялауы себепті,Талдықорған өңірінің өкіл имамы Ардақ Нүсіпханұлының ұйытқы болуымен Қаратал ауданына Талдықорған қаласының «Иман»мешітінен ауданға ұстаз Өкен Шынарбек келіп,аудандық кітапханада «Қыз өссе –елдің көркі»атты дөңгелек үстелге қатысты.Дөңгелек үстелде Исламдағы қыз баланың тәрбиесі туралы насихат жүргізіліп,қойылған сұрақтарға тұшымды жауаптар берілді. «Ислам және отбасы» аясында өткен іс-шара аудандық мешітте жалғасын тауып,аудан,қала ,ауыл имамдары және әйел жамағаттарға «Жанұя жарасымы »атты семинар өтті.Семинарда жыл бойына отбасы құндылықтарын насихаттау тапсырылды. Әйелдер қауымына сый-сыяпат көрсетілді. Бесін намазына жиналған жамағатқа Қасиетті Құран аяттарынан насихат айтылды.
