{gallery}0121{/gallery}

 

Талдықорған орталық Иман мешітінің найб имамы Нұрлан Жұманұлы мен ұстаз Шынарбек Өкенұлы, Алакөл аудандық орталық мешітінде "Жаназа жəне жерлеу рəсімдері", "Өзгеруді өзіңнен баста" тақырыбында ауыл имам-молдаларына семинар өткізді. Семинар барысында бас мүфти Серікбай қажы Ораздың үндеуіне үн қосып, имамдар қашанда əдептілік пен əділдікті ту етіп, халықпен тығыз қарым-қатынаста болуы керектігі, сондай-ақ, мешіттен жəрдем сұрап келген жандарға пана болу керектігін басты назар ұстауды ескертті. Өкенұлы Шынарбек ұстаз имамдар əркез білімдерін шыңдап, біліктілігін арттыруды дамылсыз жалғастыру басты мəселе екенін еске салды. Бесін намазында жамағатқа уағыз айтып, шариғи сауалдарына жауап берді. Семинар соңында Нұрлан Жұманұлы мешіттің тыныс-тіршілігімен танысып, оң бағасын берді.

 

Алакөл аудандық мешітінің баспасөз қызметі.