{gallery}trening{/gallery}

Еліміздің өркендеп өсуі, білікті де білімді діни қызметкерге байланысты десек қателеспейміз. ҚМДБ-ның төрағасы, бас мүфти Серікбай қажы Ораз хазреттің сөзінде: "Қазіргі уақытта дін мамандарының, имамдар мен исламтанушы ғалымдардың бедел-мəртебесін көтеріп, олардың діни һəм зайырлы білімді игеруі - заман талабы" делінген.

Сол үшін де, имамдардың ұжымдық мәдениетін көтеру үшін, Талдықорған орталық "Иман" мешітінде семинар тренинг болып өтті. Тренингті xалықаралық дәрежеде сертификатталған коуч, Ақан Мергембай жүргізді.

Тренинг өмірдегі түрлі мысалдар, өткен ғалымдардың сөздері және Құран аят-хадистерімен толықтыра қызықты түрде өтті. Тренингтен өздеріне көп әсер алған имамдар, тәжірибелерімен бөлісіп, нәтижесінде өздеріне керекті 3 нәтижеге қол жеткізді. Олар,

1. "Әр мешітке келген адамды миллионер деп қабылдау" – мешітке келген әр бір кісінің көңіліне, проблемасына жіті көңіл бөлу, барынша мұқтаждығын орындап беру
2. "Әр имам - менің жалғызым" – ұжымда діни қызметкерлердің бір-біріне жанашырлықпен қарау
3. "Діннің қызметін мен істемеген де кім істейді!?" - әр бір діни қызметкер дін қызметін ыждыһаттылықпен, бар күшін салып орындау.