{gallery}sagabien{/gallery}
Сағабиен ауылындағы тоғыз жолдың торабында орналасқан «Амина» мейрамханасында Пайғамбарымыз Мұхаммед (с.ғ.с.)-нің туылған күніне арналған Мәуліт мерекесі кең көлемде аталып өтті.
Мәуліт мерекесі Жаратушы Алла тағаланы мадақтауға бағытталған Құран Кәрім аяттарынан бастау алды. Салтанатты шараға келген аудандық мешіттің бас имамы Манбетов Анарбай Мәуліт мерекесін атап өтудің пайдасына тоқталды.
Жиылған көпшілік ел арасында кеңінен тараған ұлағатты әңгімелерден сусындады. Мерекелік шара аясында жиынға келген көпшілікке арналған уағыздар айтылып, әншілердің орындауында діни әндер шырқалды.Кешке арнайы шақырылған ауылдық оқушылар үйі шәкірттері Пайғамбарымызға салауаттар айтты. Сағабиен ауылының молдасы Қабай Серік Мәуліт дұғасын оқыды.
