{gallery}696{/gallery}  Ақсу ауданы ,ақын бабамыз Ілияс Жансүгіровтың кіндік қаны тамған Ойтоған ауылында Мәуліт мерекесі кеңінен аталып өтті.Мұсылман қауым Мәулітті ерекше қастерлейді. Бұл берекетке  пайғамбарымыз Мұхамедтің(с.ғ.с.) шарапаты, туылған күні себеп. Мақсат-Алла елшісіне салауат жолдау. Адамгершіліктің, мейірімділіктің, әділдіктің асқақ үлгісін көрсеткен оның рухани және тұлғалық болмысын құрметтеу, сүннетіне сай ізгілік жолын, имани қасиеттерін насихаттау болып табылады. Аталмыш шараға қатысқан аудандық орталық мешітінің наиб-имамы Дузбаев Ақан құран-кәрім аяттарын оқып, құттықтау жеткізген соң Пайғамбардың (с.ғ.с.) салып кеткен сара жолы бар әлемге шарапат шуағы болып келе жатқанын, жақсылық жасау, қайырымдылық істеудің ізгілік екенін айтып өтті.

         Ойтоған ауылдық мәдениет үйі мен мектеп оқушылары, өздері осы шараға арнайы дайындаған діни көріністері мен ән-күйлерін келген жұртшылыққа әдемі де, әсерлі етіп жеткізіп берді.

         Сол күні Ойтоған ауылдық мешітінде пайғамбарымыз Мұхаммедке(с.ғ.с.) салауаттар айтылып, келген көпшілікті терең ойға салатын уағыз-насихат айтылып жұма намазы өткізілді.