ҚМДБ-ның Жетісу облысындағы «Уақып» қорына қарасты «Талдықорған» қайырымдылық мекемесінде кезектегі 22-нші қари Құран Кәрімді толықтай жаттап шықты. Осыған байланысты салтанатты жиында сөз алған Жетісу облысының бас имамы Керімбек Сәрсембайұлы «Құран иесі болудың маңыздылығы» жайлы өнегелі уағыз айтып, соз соңында Құранды толық жаттап шығып, хафиз атанған 21-нші Ахметқали Данияр және 22-нші Ануарбекұлы Ариман қариларға 2 умраға жолдама және 300 мың теңге қаржылай силықтарды табыстады. Одан бөлек, мекеме директоры Нұрбол қариға шипажайға жолдама табыстады.