ҚМДБ Жетісу облысы “Жастар ісі” секторының ұйымдастырумен өңірдің бас имамы Алмас Сағидоллаұлының тапсырмасына сәйкес, Көктал ауылдық мешітінде “Жұма күннің берекеті” атты шара өтті. Арнайы облыстық мешіттің имамы Ережеп Жардыбайұлы келіп, жұма күннің уағызын айтты. Намаз соңында өңірдің қажылық бағытына жауапты маманы Болат Сағынғалиұлы мүфтиятқа қарасты “Тауаф” травел компаниясының 2 бірдей умра қажылық сертификатын жамағат атынан осы мешіттің қамқоршы жамағатына және Көктал ауылдық мешітінің бас имамы Аманжол Шаймұратовқа табыс етті. Қасиетті күнде көзге жас келіп, шын пейілмен қуанған жандар көп болды. Ақсақалдар бата беріп, жақсы насихаттар айтылды.