Бас мүфти Наурызбай қажы Тағанұлы жыл басында бекіткен жоспарда уағыз-насихат бағытының негізгі жұмыстарының бірі ретінде – РАНТ мүшелерінің түсіндіру жұмыстарын жандандыру болған. Осыған орай, ҚМДБ жанындағы РАНТ мүшесі Сайфуллин Думан Нәдірұлы Талдықорған өңіріне арнайы іс-сапармен келді. Өңірдің бас имамы Алмас Сағидоллаұлымен бірге алдымен І.Жансүгіров атындағы Жетісу университетінің студенттерімен кездесті. ҚМДБ Талдықорған өңірі бойынша ”Жастар ісі” секторының ұйымдастыруымен университет қабырғасында білім алып жатқан 1-2 курс студенттеріне «Абай және Имандылық» атты тақырып аясында дәріс өткізді. Хакім Абай іліміндегі жастарды имандылыққа баулу жолдарын біздің яғни, қазақылықты алға тарта отырып, имани тәрбиелеу екендігін дәріптеді. Білім алушылар өздерін мазалаған түйткілді сауалдарын қойып, дін маманынан тұшымды жауаптар естіді.

{gallery}duman.11.11{/gallery}