{gallery}648974{/gallery}

         ҚМДБ Талдықорған өңірі бойынша Халал Дамудың жауапты маманы Ордыбай Мұхаммед Көксу ауданы Балпық би мешітінде насихат жұмыстарын жүргізді.

         Жергілікті имамдар мен жамағатқа «Халал Дамудың» атқаратын қызметі мен міндеті, бағыттары, сертификаттау барысында қойылатын басты талаптардың ерекшелігі, өнімдерді лабораториялық сынақтан өткізудің тиімділігі, бақылау-қадағалау жұмыстарының жүргізілуі, шет елдік және отандық сертификатталған кәсіпорындарды қадағалаудың маңыздылығын түсіндірді.Сонымен қатар, шариғатымыздағы халал мен харам түсінігі, адал астың құлшылығымыз мен күнделікті өмірімізге беретін пайдасы, харамның ақыретіміз бен денсаулығымыз үшін тигізер зиянына да кеңінен тоқталып өтіп, шариғат және халал стандарт талаптарына сай мал сою және ет өңдеудің маңызды тұстары кеңінен түсіндіріліп, имамдарға жамағат арасында халал насихатын кеңінен уағыздалуы тапсырылды.