Бүгін ҚМДБ-ның Талдықорған өңірі бойынша өкілдігінің «Жастар ісі» секторы мен өкілдіктің «Зекет» қайырымдылық қорының ұйымдастырумен «30 жылға 30 игі шара» аясында Алғыс айту күнінің құрметіне орталық «Иман» мешітінде әйел-қыздар секторының жамағатына «Салт-дәстүр сөйлейді» деген тақырыпта ұстаз Бегімханова Фарида Жұпанқызының семинар-тренингі өтті.
Жиынның мақсаты әйел жамағатына дәстүрге сай бала тәрбиесін дәріптеу, отбасы құндылықтарын Ислам жауһарларынан табу жолдарына бағыттау.
Баланың тұлға болып қалыптасуына әсер ететін өзекті мәселелер, болашаққа бағдар беруде кері факторлардың алдын-алу жолдары жайында да сөз қозғалды.
Шара барысында көптеген құнды дүниелер айтылып, арнайы жүргізілген тікелей эфирдің және келушілердің сұрақтарына жауап берілді. Естелікке суретке түсіп, ары-қарай сұхбат мерекелік дастархан басында жалғасты. Әйел жамағатына ұнаған бұндай кездесулер болашақта жалғасын табары сөзсіз.

{gallery}aielder3{/gallery}