Талдықорған өңірі, Еркін ауылдық мешітінің ұйымдастыруымен «Грант Хол» мейрамханасында екі дүниенің сардары, Пайғамбарымыз Мұхаммед (с.ғ.с) мәуліт мерекесі кең көлемде аталып өтті.
Салауат айтуға жиналған Жетісу жұршылығының Пайғамбарға деген құрметі сондай, 350 орындық мейрамхана дастарханына 500 астам жамағат жиналып Аллаға мадақ, Пайғамбарға салауат оқыды.
Өңірдің бас имамы Ардақ қажы Нүсіпханұлы жиналған жамағатқа әсерлі де тартымды уағыз айтып, қайырымдылық шарасы үшін ашылған «Жақсылыққа жарысайық» атты тобының белсенділерін марапаттады.
Сонымен қатар, арбаға таңылған мүмкіндігі шектеулі жандарға қуаныш дәнін сеуіп, арбаларды сыйға тартты.
Шара соңында, жамағат атынан ізгі тілекетер айтылып, мәулітті ұйымдастырушыларға рахмет айтысып тарқасты.

{gallery}erkin4{/gallery}