Кербұлақ аудандық мешітіне "Нұр Мүбарак" университетінің түлегі, магистр Яқып Айса тағайындалды.Жаңа қызметке келген имам бұрыңғы аудан имамы Мүтебаев Қанаттың басқа қызметке ауысуына байланысты орнына бекітілді. Бас мүфтидің бұйрығын Талдықорған орталық "Иман" мешітінің найб имамы Дәуітов Керімбек оқып, жиналған жамағатқа жаңа имамды таныстырды. Бұрыңғы имамға атқарған қызметіне алғыс айта келе, жаңадан бекітілген имамның қызметіне сәттілік тіледі.

Сондай-ақ, Кербұлақ ауданы Сарыөзек ауылындағы "Ақ мешіткеде" бұрыңғы имамы Нұқтар Бердібектің басқа қызметке ауысуына байланысты орнына Масаншы медресесінің түлегі  Арқабаев Серікбол тағайындалды. Тағайындау жайлы бас мүфтидің бұйрығын Талдықорған орталық "Иман" мешітінің найб имамы Өкен Шынарбек оқып беріп, бұрыңғы имамға атқарған қызметіне алғысын айта келе, иығына жамағаттың атынан шапан жауып, шығарып салды.

{gallery}kerbulak4{/gallery}