{gallery}8762{/gallery}

ҚМДБ жариялаған «Ислам және отбасы» жылы аясында ҚМДБ-ның Талдықорған өңірі бойынша өкілдігі «Уақып» және «Зекет» қайырымдылық қорларымен бірлесе отырып, орталық «Иман» мешітінде жаңа оқу жылының басталуына байланысты «Мектепке жол» қайырымдылық акциясын ұйымдастырып, балапандарға қуаныш сыйлады. Шара барысында өңірдің өкіл имамы Ардақ Нүсіпханұлы болашақтың балғын бөбектеріне сөмке үлестіріп, батасын берді. Арнайы шақырылған білім алушыларға 250 сөмке мен тәтті балмұздақтар таратылды. Және де мешіт ауласында «Аңдар әлеміне» саяхат деген атпен мәдени-сауықтыру шарасы өтті. Жалпы алғанда мешіттер тарапынан өңірдің 3000-нан астам баласына көмек беріліп, қайырымдылық жасалды.