{gallery}7487{/gallery}Исі мұсылман қазағым ұлықтаған қасиетті Құрбан айт мерекесі қабыл болсын. Әлемдік деңгейде мәртебесі биік діни мереке саналатын Құрбан айт барша мұсылман қауымына ортақ ұлық мейрам. Осы қасиетті Құрбан айт мейрамының мәртебесін көтеру мақсатында ҚМДБ-ның Талдықорған өңірі бойынша өкілдігі республика деңгейінде алғаш рет ұзақ қашықтыққа жүгірі МАРАФОНЫН ұйымдастырды. 4 шақырымға созылған жүгіру додасына 200-ден астам желаяқшылар қатысты. Бір қызығы Алладан дұға тілеп, қатысушыларға сәттілік тілеген өңірдің өкіл имамы Оразбаев Ардақ Нүсіпханұлы сәлде шапанын спорттық киімге ауыстырып, дүбірлі додаға қатысып кетті. Халыққа қызмет етіп жүрсе де, спорттан алыс емес екендігін дәлелдеген Өкіл имамға дүйім жұрттың қошемете ерекше болды. Сайысқа бағын сынауға келген атқамінер ағаларымызбен аты әлемге танымал спортшылармызда үздіктер қатарын толықтырды.18 жастан жоғары деп алынған жүзден жүйрік шыққан қатысушылар жүлделі орындарға ие болып, шипажайға жолдама, электросомакат сынды озық технологияның жаңа туындыларын иемденді. Бас аяғы 20-дан астам қатысушыға белсенділігі үшін сыйлықтар үлестірілді. Жетісу жұртшылығын өзгеше сыйпатпен әсерлеген МАРАФОН жарысын жылда өткізу алға қойылды.