Рамазан – адамға көп өзгеруге және көп қайырым жасауға да мүмкіндік беретін ай. Талдықорған қаласы орталық «Иман» мешітінде жылдағы әдетке сай «Айттық дастархан» атты қайырымдылық шарасы орын алды. ҚМДБ-ның Талдықорған өңірі бойынша өкіл имамы Ардақ Нүсіпханұлының бастамасынан алынған іс-шарада 150 адамға күнделікті қажетті азық-түліктен тұратын себеттер таратылды. Сонымен қатар, 3 кісіге көмек ретінде 50 мыңдық қаржы сертификаты табысталып, мүгедектер қоғамына арнайы жасалынған массаж кереуеті табысталды.
Рамазан айы бойы өтініштерін мешітке қалдырып, енді міне, мешіттен көмек алған көпшілік дін өкілдеріне дән риза боп тарқасты.

{gallery}aitttk{/gallery}